وقف عندك

وقف عندك ؟؟
وارفع راسك فوق 00
وانفش حالك هيك وصهلل
واضحك ضحكه كبيره وهبله
إنت بغزة 00
تنفيذية بسرح وتمرح
وجيش تعبان وهريان
وحكومة أصنام ورعايا هبله
إنت بغزة
اوعك تغلط مره وتحكي
اوعك تغلط مره وتشكي
موتك سهل كثير دين ونقدي
إنت بغزة 000
العنوان ريحة كوشوك
وصوت رصاص مره بيدوي
وقبور زحمه بتشكي
إنت بغزة 000
خطف وقتل وسرقة كل شي
وأزعر يعربد 00 ابن عيله يا ناس
وغلبان مقهور ممنوع يحكي
إنت بغزة 000
يا عيني عالتنظيمات بغزة
تجارة ودكاكين ومافيا وسياسة بتغلي
افرح 00 افرح إنت لسه بغزة
فقر وفلس وقلة راتب
لا تحتج وذراعك إلوي
كول زعتر أو كول هوا
انت بغزة لمين تحكي ؟؟
افتح الراديو بغزة واسمع !!
انقتل فلان وانطخ علان
وانخطف هذا وانسرق هذا
وقال شو 00 فلتان أمني
يعني افهم هيك
انت بغزة 00
وغير الموجه واسمع تاني
حصار يخنق
وطيارة بتقصف
وجرافه بتمسح
برضو هيك انت بغزة
يعني بالعربي 00
فرفش ونعنش
عيش وكيِف
وخلي الضحكة كبيره وهبله
عارف ليش ؟؟
انت بغزة

شو أخي رح يتم نقل الموضوع لأنه مكانه مش هون